ചെന്നെ : തെന്നിന്ത്യൻനടി അംബികയ്ക്കെതിരെ ചെക്ക് തട്ടിപ്പമായി ബന്ധപ്പെട്ട് പരാതി നൽകി സഹോദരിയും നടിയുമായ രാധ. അംബികയും സഹോദരൻ മല്ലികാർജുനും ചേർന്ന് 46 കോടി തട്ടിയെടുത്തെന്നാണ് രാധ ആരോപിക്കുന്നത്. സംഭവത്തിൽ ചെന്നൈ പൊലീസിനാണ് രാധ ഇന്ന് രാവിലെ പരാതി കൈമാറിയത്. ഒന്നിച്ചു താമസിച്ചിരുന്ന സമയത്ത്, താൻ ഒപ്പിട്ടു വച്ചിരുന്ന അഞ്ച് ചെക്കുകൾ തട്ടിയെടുത്ത് പണം കൈവശപ്പെടുത്തിയെന്നാണ് രാധ ആരോപിക്കുന്നത്.
അടുത്തിടെ ബാങ്ക് അക്കൗണ്ടുകൾ പരിശോധിച്ചപ്പോഴാണ് തട്ടിപ്പ് മനസിലായതെന്നാണ് രാധയുടെ വാദം. ചെന്നൈയിലെ എആർ സ്ട്രീറ്റിലെ വീട്ടിൽ രണ്ടുനിലകളിലായിട്ടാണ് രാധയും അംബികയും താമസിച്ചിരുന്നത്. ബിസിനസ് ആവശ്യങ്ങളുമായി ബന്ധപ്പെട്ട് അഞ്ച് ചെക്കുകൾ താൻ മുറിയിൽ ഒപ്പിട്ടു വച്ചിരുന്നെന്നും രാധ പരാതിയിൽ പറയുന്നു. വ്യക്തിപരമായ കാരണങ്ങൾ മൂലം കേരളം, മുംബൈ, ബംഗളൂരു എന്നിവിടങ്ങളിലേക്ക് നിരന്തരം യാത്ര ചെയ്യുന്ന വ്യക്തിയാണ് താൻ. ഇത്തരത്തിൽ യാത്രയിലായിരിക്കേ അംബിക തന്റെ മുറിയിലെത്തി ചെക്ക് കൈവശപ്പെടുത്തുകയായിരുന്നുവെന്നാണ് പരാതിയിലെ ആരോപണം.
News Desk
സൈബര് നിയമ പ്രകാരം അശ്ലീലവും നിയമ വിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കേണ്ടതാണ്. വായനക്കാരുടെ അഭിപ്രായങ്ങള് വായനക്കാരുടെത് മാത്രമാണ്.
Loading...please wait
