അയോധ്യയിലെ രാമക്ഷേത്ര ട്രസ്റ്റിന് ലഭിച്ച സംഭാവനകളുമായി ബന്ധപ്പെട്ട വിവാദം പുതിയ തലത്തിലേക്ക് കടന്നിരിക്കുകയാണ്. ക്ഷേത്രത്തിന് സമർപ്പിക്കപ്പെട്ടതായി അവകാശപ്പെടുന്ന 60 കിലോഗ്രാം വെള്ളിക്കട്ടികൾ ഔദ്യോഗിക രേഖകളിൽ ഉൾപ്പെട്ടിട്ടില്ലെന്ന കണ്ടെത്തലാണ് ഇപ്പോൾ അന്വേഷണത്തെ കൂടുതൽ സങ്കീർണമാക്കിയിരിക്കുന്നത്.
സംഭാവനകളുടെ കണക്കെടുപ്പിലും സൂക്ഷിപ്പിലും ഗുരുതരമായ വീഴ്ചകൾ ഉണ്ടായിട്ടുണ്ടോയെന്ന സംശയത്തിന്റെ അടിസ്ഥാനത്തിൽ പ്രത്യേക അന്വേഷണസംഘം വിശദമായ പരിശോധന തുടരുകയാണ്.
ഈ സംഭവവികാസം ക്ഷേത്രവുമായി ബന്ധപ്പെട്ട സാമ്പത്തിക ഇടപാടുകളുടെയും സംഭാവനകളുടെയും സുതാര്യതയെക്കുറിച്ച് വ്യാപകമായ ചർച്ചകൾക്ക് വഴിവെച്ചിരിക്കുകയാണ്.
രാമക്ഷേത്രത്തിലെ പ്രാണപ്രതിഷ്ഠാ ചടങ്ങിനോടനുബന്ധിച്ചാണ് 60 കിലോഗ്രാം വെള്ളിക്കട്ടികൾ രാം ലല്ലയ്ക്ക് സമർപ്പിച്ചതെന്നാണ് റിപ്പോർട്ടുകൾ സൂചിപ്പിക്കുന്നത്. രാജ്യത്തിന്റെ വിവിധ ഭാഗങ്ങളിലുള്ള ജൂവലറികളിൽ നിന്നുള്ള സംഭാവനകൾ സമാഹരിച്ച ശേഷമാണ് ഈ വെള്ളിക്കട്ടികൾ ക്ഷേത്രത്തിന് കൈമാറിയതെന്ന് ബന്ധപ്പെട്ട സംഘടനയുടെ ഭാരവാഹികൾ വ്യക്തമാക്കുന്നു.
സംഭവവുമായി ബന്ധപ്പെട്ട് ക്ഷേത്രത്തിലെ ആഭരണങ്ങളുടെയും വിലപിടിപ്പുള്ള സമർപ്പണങ്ങളുടെയും മേൽനോട്ടച്ചുമതല വഹിക്കുന്ന കൃഷ്ണദേവ് തിവാരിയുൾപ്പെടെ നാല് പുരോഹിതരെ പ്രത്യേക അന്വേഷണസംഘം ചോദ്യം ചെയ്തു. സംഭാവനകൾ ക്ഷേത്രത്തിൽ എത്തിച്ച സാഹചര്യങ്ങൾ, അവ സ്വീകരിച്ച രീതി, സൂക്ഷിപ്പ്, രേഖപ്പെടുത്തൽ എന്നിവയെക്കുറിച്ചാണ് അന്വേഷണ ഉദ്യോഗസ്ഥർ വിവരങ്ങൾ ശേഖരിച്ചത്.
News Desk
സൈബര് നിയമ പ്രകാരം അശ്ലീലവും നിയമ വിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കേണ്ടതാണ്. വായനക്കാരുടെ അഭിപ്രായങ്ങള് വായനക്കാരുടെത് മാത്രമാണ്.
Loading...please wait
