മൂവാറ്റുപുഴ ആസ്ഥാനമായി പുതിയ ജില്ല രൂപീകരിക്കുന്ന കാര്യം സർക്കാരിന്റെ പരിഗണനയിലാണെന്ന് മുഖ്യമന്ത്രി വി.ഡി. സതീശൻ. മൂവാറ്റുപുഴ നഗരസഭയുടെ ഓണാഘോഷ പരിപാടികൾ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വർഷങ്ങളായി നേരിടുന്ന വികസന പിന്നാക്കാവസ്ഥയും പാർശ്വവൽക്കരണവും പരിഹരിച്ച് മൂവാറ്റുപുഴയ്ക്ക് അർഹമായത് പലിശസഹിതം തിരികെ നൽകുമെന്നും അദ്ദേഹം ഉറപ്പുനൽകി.
മണ്ഡലം എം.എൽ.എ സംസാരിച്ചപ്പോൾ ഉന്നയിച്ച ആശങ്കകൾക്ക് മറുപടി നൽകുകയായിരുന്നു അദ്ദേഹം. വികസന പ്രവർത്തനങ്ങളിൽ നേരിട്ട തടസ്സങ്ങൾ മാറ്റിയെടുക്കുമെന്നും, പുതിയ ജില്ലയായി മാറുമ്പോൾ സ്വന്തം ജില്ലയിൽ നിന്ന് മൂവാറ്റുപുഴ വേർപെട്ടുപോകുമെന്ന നേരിയ വിഷമമുണ്ടെങ്കിലും വിഷയം ഗൗരവത്തോടെ സർക്കാർ സമീപിക്കുമെന്നും അദ്ദേഹം വ്യക്തമാക്കി. ഇതിനായി നിയോജകമണ്ഡല പുനർനിർണയ കമ്മീഷനെ സർക്കാർ കൊണ്ടുവരുമെന്നും അദ്ദേഹം കൂട്ടിച്ചേർത്തു.
News Desk
സൈബര് നിയമ പ്രകാരം അശ്ലീലവും നിയമ വിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കേണ്ടതാണ്. വായനക്കാരുടെ അഭിപ്രായങ്ങള് വായനക്കാരുടെത് മാത്രമാണ്.
Loading...please wait
